تعالوا تعلموا شلون تسوون لمعة متحركة على الصور والنصوص

هلاااااااو

اليوم حنتعلم شلون نسوي لمعة متحركة حلوة وبسيطة على الصور وتكَدرون تستخدمون الطريقة نفسها عالنصوص

اول شي نفتح صورة مناسبة

آني راح استخدم هذي

طبعاً كَبل لا نبدا لازم تكون عدكم فرش مناسبة .. والفرش طبعاً موجودة بالمرفقات

للي ميعرف شلون يجيب الفرش للفوتوشوب ..

نختار أداة الفرشه ونروح فوكَ على شريط خيارات الأداة شلون دنريد نختار فرشة مثل ما موجود بالصوره .. شوفو

ونروح على مكان الفرش ونسويلهم لوود فتنزل رأساً يمكم بصندوق الفرش

هسه نسوي لير او طبقه جديده ونبدا نسوي لمعه وين منريد ونحاول نسوي بكل جهه فد شي مختلف

ونسوي لير ثانيه وهم نفس الشي لكن نسوي اللمعات بأماكن مختلفه عن اللير الأولى

ونسوي لير ثالثه وهم نسوي نفس الشي

فتصير عدنا 3 ليرات مختلفه بيهه لمعه

هسه نروح على برنامج ايميج ريدي حتى نسوي حركة .. اذا عدكم فوتوشوب 9 او 10 تكَدرون تسوون الحركه بالفوتوشوب

اذا ملكَيتو لوح التحريك تروحون على W i n d o w s > a n i m a t i o n

فيظهر لوح التحريك

هسه حنلكه فريم واحد بلوح التحريك فنروح نخلي العين على اول لير مالت لمعه ونخفي الثنين الباقيات

ونسوي فريم ثاني منا

وبالفريم الثاني نخلي العين على اللير مالت اللمعه الثانيه ونشيل العين عن الاولى

ونسوي فريم ثالث وبالفريم الثالث نخلي العين على لير اللمعه الثالثه ونخفي الاولى والثانيه

هسه اكو رقم 0.0 جوا كل فريم ندوس عليه ونختار القيمه 0.1 مثل ما بالصورة

هسه نختار الفريم الأول ونروح على ايقونة تويين اللي مبينه بالصورة

ونسوي مثل ما موجود بالصورة

وبعدين نروح على الفريم القبل الأخير ونسوي تويين وهم نفس اللي موجود بالصوره فوكَ

هسه نروح على الفريم الأخير ونسوي مثل ما موجود بهاي الصورة

هسه كلشي تمام وهاي النتيجه
ملاااااااااحظة مهمــــــة: حتى تتسيف الصورة المتحركة لازم تروحون على قائمة File >> Save For Web
وطبعاً مع ضرورة تسمية الصورة المتحركة باسم انجليزي....

وهاي الطريقة مثل مكَلتلكم تكَدرون تستخدموهه للنصوص هم وتكدرون تسوون الحركه بدون تويين بكيفكم بس التوين ينطيهه نعومه وجمال اكثر

وهيه اولاً وآخراً حسب موضوع التصميم وذوقكم

مشكوووووووور على الموضوع

شكرا
و لو الفرش ماكو
اني سويت شي على السريع
يعني مال كلش واحد مستعجل
اتمنى ان يكون حلو

تعالوا تعلموا شلون تسوون لمعة متحركة على الصور والنصوص 9b404ba

تعالوا تعلموا شلون تسوون لمعة متحركة على الصور والنصوص 9b404ba

تحياتي