قصتي يوم انخطفت......ياقلبي

هلا حبايب قلبي كيفكم وايش اخباركم
الله يسلمكم هذي قصتي حصلت معي امس بعد صلاة التراويح طلعت انا واختي للسوق
طبعا اللي راح يوصلنا زوجها نزلنا في السوق وقال بعد ساعه اجي اخذكم قالت اختي
اوكي وبعد اللفلفه والدوران في المول طلعنا وركبنا مع زوج اختي ومشينا في طريقنا
راجعين للبيت طلبت اختي من زوجها يوقف عندصيدليه
عشان تاخذ اغراض لبنتها نزل زوج اختي للصيدليه واختي كانت مشغوله بجوالها
وانا طبعا في عالم اخر بين الاكياس واشوف ايش اشترينا موكاني انا اللي
مشتريتهم قبل شوي ,,,بس حريم ايش تقولون
المهم فجاه ركب واحد السياره وكان لاف شماغه على وجهه بحيث ماتبين الا
عيونه وبدون مقدمات حرك السياره ومشى بسرعه وانا ابكي واختي تصارخ
كانت تقول والله اذا ماوقفت لااعلم الشرطه اختي مهستره الحين الشرطه مادروا
عن اللي فالارض بيدرون عن اللي في السياره المهم وبدون سابق انذار اللي خاطفنا
جلس يضحك وشال الشماغ طبعا بعد ماوقف تدرون مين صار طلع اخوي ايه
اخوي لااحد يطالعني كذا لانه الصيدليه اللي وقفنا عندها كانت قريبه من بيتنا
واخوي كان جاي مع ولدعمي عشان يرجعه للبيت وشافنا وحب يسوي
فينا هالمقلب اللي مثل وجهه الله لايبارك في عدوه
وبعد مارجعناللصيدليه لقينا رجل اختي مسكين والله مختبص والحمد لله
مابلغ الشرطه ولا كانت حكايه لانو بصراحه حنا ماطولنا بس كانها دهر
ورجعنا للبيت كلنا سوى مع اني كان نفسي افتح الباب وارمي
اخوي...عاد اخوي يقول لاختي اللحين ليش كنت تبكين مو كنت تقولين
انك قويه ومايهمك شي قالت انا كنت ابكي افكر في بنتي رحمتها
اذا عاشت بدون ام >>>>قلت في نفسي ايه هين ان كنتي جايبه
خبرها......

تقبلوا تحياتي ومودتي
عاد الله لايهينكم ابغى ردودكم الحلوه+خطه جهنميه ارد فيها المقلب